• Rusiya Dəniz Gəmiçiliyi Registri Təsnifat Cəmiyyəti (RS, Registr) 1913-cü ildə təsis edilmişdir və dənizçilik sənayesinin bütün sahələrində fəaliyyət göstərir. RS-nin əsas məqsədləri dənizdə insan həyatının təhlükəsizliyi, gəmilərin təhlükəsiz üzməsi, dənizdə və daxili su yollarında yüklərin təhlükəsiz şəkildə daşınması standartlarının artırılması; ətraf mühitin çirklənməsinin qarşısını almaq üçün tədbirlərin və standartların işlənib hazırlanmasıdır.
   
  • RS texniki sənədlərə baxılmasını, tikinti və istismar zamanı gəmilərə texniki nəzarəti, gəmilərə və üzən qurğulara, habelə gəmi mexanizmlərinə, avadanlıqlarına, cihazlarına sənədlərin, sertifikatların və aktların verilməsini; gəmilərin və üzən qurğuların ölçülməsini; beynəlxalq konvensiyaların müddəalarının yerinə yetirilməsinə texniki nəzarəti; sənaye məhsullarının və istehsalatlarının, keyfiyyət menecmenti, ekoloji menecment və əməyin mühafizəsi və peşə təhlükəsizliyi sahəsində idarəetmə sistemlərinin beynəlxalq ISO standartlarının tələblərinə cavab verməsi baxımından sertifikatlaşdırılmasını həyata keçirir. RS ümumi yük konteynerlərinə, izotermik konteynerlərə, konteyner-sisternlərə, platforma konteynerlərinə, ofşor konteynerlərə və s. texniki nəzarəti həyata keçirir.