Delta Telekom regionun ən iri telekommunikasiya operatorlarından biridir. Rabitə və telekommunikasiya xidmətlərinin keyfiyyət göstəricilərinə görə ən etibarlı infrastruktura malik olan şirkət müasir  texnologiyalarla təchiz edilmişdir. DWDM Optik şəbəkə texnologiyalarında ən yeni nəsil olan ASON/GMPLS əsaslı infrastruktur üzərindən regionun tranzit tutumlarını daşıyan Delta Telecom ən iri tutumlu və dayanıqlı supermagistrala sahibdir. Şəbəkə infrastrukturu bütün regional mərkəzləri və beynəlxalq çıxışları əhatə edir. Regionun ən iri İnternet Super Magistralı Delta Telekoma məxsusdur. Müasir texnologiyalara əsaslanan İnternet Super Magistral Avropaya coğrafi olaraq 4 müxtəlif çıxışlar vasitəsilə Tier-1 İnternet Provayderlərə bağlanır. Dünyanın ən iri Provayderləri – TeliaSonera, CenturyLink, NTT, Vodafone, Seabone, Rostelekom, TTK və digərlər ilə Avrasiya və Qərb şəbəkələrinə ən keyfiyyətli çıxışlarla bağlıdır. Keyfiyyətin artırılması üçün birbaşa Avropa Provayderlərinə Deutsch İnternet Exchange (DE-CİX), AMS-IX, NET-IX nöqtələrinə bağlantıların sayəsində coğrafi yedəkliklə yanaşı alternativ operatorlarla keyfiyyətin artırılmasına nail olunmuşdur. Mobil rabitə operatorları, İnternet provayderlər, banklar və çox saylı  kommersiya təşkilatlarına göstərilən rabitə xidmətləri Delta Telekomun  infrastrukturu üzərindən təmin olunur. Şirkətin Carrier Ethernet şəbəkəsi  korporativ şəbəkələri, verilənlərin ötürülməsi və professional İP/MPLS xidmətlərini özündə cəmləşdirir. Şirkət müasir texnologiyalar tətbiqində  aparıcı mövqeni saxlamaqda davam edir. Regionda ilk dəfə DVB-RCS (2004-cü il) PreWiMAX (2004-cü il), 802.16d (2006-cı il), ASON/GMPLS kimi  texnologiyaların tətbiqində Delta Telekom pionerdir. Ölkəmizdə irimiqyaslı ilk Milli DATA Mərkəzinin yaradılması da Delta Telekom-un nailiyyətlərindən biridir.