«Transbroker» MMC 2006-cı ilin iyun ayından etibarən gömrük brokeri qismində fəaliyyətə başlamışdır. Şirkətimiz müştərilərə, yalnız gömrük ərazisində rəsmiləşdirmə deyil, həmçinin gömrük rəsmiləşdirilməsi üçün lazım olan dövlət orqanlarından icazələrin alınması xidmətini özündə birləşdirən gömrük-broker xidmətləri kompleksini təklif edir. Şirkətimiz Sizə gömrük rüsumlarını, həmçinin yüklərin rəsmiləşdirilməsi ilə bağlı digər ödənişləri əvvəlcədən hesablamaqda yardım göstərəcəkdir. «Transbroker» MMC istənilən növ şirkət ilə, istənilən həcmli sifarişlərlə işləyir, biznes xidmətləri həyata keçirir (müştərilərə mütəxəssislərin göndərilməsi). Yükün çatdırılmasından əvvəl müştərilərimizin qabaqcadan məsləhət alması nəqliyyatın boş dayanmalarının və əlavə maliyyə xərclərinin qarşısının alınmasında yardımçı olacaqdır. «Transbroker» şirkətinin fəaliyyətinin əsas məqsədi müştərilərə idxal-ixrac əməliyyatlarının aparılmasında yardımçı olmaqdır. Əsas dəyərlərimiz: Transbroker MMC aşağıdakı əsas dəyərləri rəhbər tutur: Keyfiyyət                                                      Xidmət Aktivlik                                                         Səriştəlik İnnovasiya                                                     Etibarlıq Xidmətlər: «Transbroker» MMC Azərbaycan gömrük fəaliyyəti zonasında tam gömrük-broker xidmətləri kompleksini həyata keçirir. Gömrük xidmətlərinə, Azərbaycanın xarici-iqtisadi fəaliyyətinmn əmtəə nomenklaturuna müvafiq olaraq, mallara kateqoriyalar üzrə məhdudiyyət qoyulmadan, idxal, ixrac və tranzit yüklərinin gömrük rəsmiləşdirilməsi daxildir. «Transbroker» MMC aşağıda sadalanan gömrük-broker xidmətlərini təklif edir:

• Azərbaycanın gömrük qanunvericiliyinə dair məsləhətlərin verilməsi;
• XİF ƏN əsasən yüklərin kodlaşdırılması;
• xarici-ticarət müqavilələrinin tərtib edilməsi üzrə XİF iştirakçılarına məsləhətlərin verilməsi;
• bütün lazımi sertifikatların rəsmiləşdirilməsi;
• yüklərin göndərilməsindən və rəsmiləşdirilməsindən əvvəl nəqliyyat sənədlərinin tərtib edilməsi üzrə məsləhətlərin verilməsi;
• Azərbaycan gömrüyündə XİF subyektlərinin akkreditasiyası və təkrar akkreditasiyası;
• tam gömrük rəsmiləşdirilməsindən əvvəl yüklərin sərhəddən keçirilməsi üçün ilkin bəyannamələrin tərtib edilməsi;
• yüklərin bəyan edilməsi (yük gömrük bəyannamələrinin tərtib edilməsi);
• razılaşma məktublarının tərtib edilməsi;
• ekspert rəyinin alınması;
• idxal, ixrac və tranzit zamanı qarşıya çıxan çətin məsələlərin həll edilməsi.

Sizin sifarişinizə əsasən, ixtisaslı gömrük brokeri hər bir mal mövqeyi üzrə Sizin müəssisənizin xərclərinin azaldılması məqsədi ilə həyata keçirilən bütün lazımi iqtisadi hesabatları (yüklərin nəql edilməsinin, gömrük rəsmiləşdirilməsinin və s. müddəti və dəyəri) təqdim edəcəkdir. Ekspertlər Bizim mütəxəssislər böyük iş təcrübəsinə malikdirlər və daima öz ixtisas səviyyələrini artırırlar, bu da bizə ən çətin məsələləri həll etmək imkanını verir və təqdim edilən xidmətlər spektrini genişləndirmək imkanını təmin edir. Mütəxəssislərimiz gələcəkdə uğurlu inkişaf üçün lazım olan hər bir qabiliyyətlərə – peşəkar biliklərə, yüksək iş qabiliyyətinə, təkmilləşməyə çalışmaq və komandada işləmək bacarığına malikdirlər. Bizim iş üsulumuz zamanla sınanmış və səriştəli kadrlarla təmin olunmuşdur. Sizi qarşılıqlı faydalı işgüzar əməkdaşlığa dəvət edirik.