“Ufuq-S” - Dil və Mədəniyyət Xidmətləri Dil vasitəsilə ictimai inkişaf “Ufuq-S” müxtəlif dillərdə danışan icmalara xidmət edən Azərbaycan təşkilatıdır. 2004-cü ildə əsası qoyulandan və Ədliyyə Nazirliyi tərəfindən qeydə alınandan bəri “Ufuq-S” yerli və beynəlxalq tərəfdaşlarla Azərbaycandakı xalqların zəngin mədəni və dil irsinin saxlanması və dəstəklənməsi üçün birgə işləmişdir. Azərbaycan Respublikası dil və mədəniyyətlərin gözəl mozaikasına sahibdir. Bizim internet səhifəmiz bu gözəl mozaikanı tərənnüm etmək üçün qurulmuşdur. Burada siz “Üfüq-S”-in dil və mədəniyyət sahəsində təqdim etdiyi xidmətlərin geniş çeşidliliyi barəsində məlumat tapacaqsınız. Biz həmin xidmətlərin təsvirlərini və Azərbaycanda danışılan on bir dildən yeddisi haqqında məlumatı bu səhifəyə yerləşdirmişik. Gələn illərdə qalan dörd dillə məşğul olmağı qarşımıza məqsəd qoymuşuq.